శ్రీ నరసింహ గారికి ఉరసా శిరసా దృష్ట్యా వచసా మనసా తధా పద్భ్యాం కరాభ్యాం కర్ణాభ్యాం అంటూ సాష్టాంగ ప్రమాణం చేస్తున్నాను.

ఆర్యా, మీ అనుభవం అంత ఉండదు నా వయస్సు. అటువంటిది మీరు నన్ను మన్నిస్తున్నారు ,దీనికి నేను అర్హుడను కాను.మీరు వ్రాసే ప్రతీబ్లొగ్ ని నేను చదువుతూ ఉంటాను. నాకు తెలుగు వ్యాకరణం కాని కౌముది కాని రావు.చిన్నప్పుడు కనీసం పదో క్లాస్ వరకూ కూడ నేను ఈ భాషలను చదవలేదు,కాబట్టి భాషా పరిగ్ఞానం అంతగా లేదు.(ఇప్పటికీ ఇవి నేను నేర్చుకోలెకపొవడం నా దురద్రుష్టం లెండి.)ఉన్నదల్లా పురాణెతిహాసాల మీద మహర్షుల చరిత్రల మీద మన సంస్కృతి మీద హైందవ ధర్మం మీద అభిమానం .వాటిని తెలుసుకోవాలనే జిజ్ఞాస మాత్రమే.

మీలాంటి వారి రచనల వలన కొన్ని విషయాలను తెలుసుకోగలుగుతున్నందుకు మహదానంద పడుతున్నాను.మీ శ్రీమదాంధ్రమహభరతం బ్లొగ్ ని చదువుతూ ఎన్నొ కొత్త విషయాలని తెలుసుకుంటున్నను.ఇంతకు ముందు మహాభారతం వచనం చదివాను.పద్యములను చదువుతూ వాటి భావన్ని తెలుసుకుంటూ ఉంటే చాల ఆనందం గా ఉంది.ఇంతకు మించి ఏమని చెప్పగలను.మీకు మరొక్క సారి కృతజ్ఞతాభివందనములు తెలియచేసుకుంటూ ,మీ పరిచయం కలిగినందుకు ధన్యోస్మి అంటూ సెలవు తీసుకుంటున్నాను .

క.వేం. సుబ్రమణ్యం

ఏనుగెక్కినంత సంబరంగా వుంది. ఏంచేతంటే శ్రీమదాంధ్రమహాభారతం బ్లాగు ప్రారంభించినపుడు ఏ మూలో మనసులో ఓ చిన్న సందేహం తొలుస్తూ ఉండేది. దీని వలన ఎవరికైనా ఏమైనా ఉపకారముంటుందా,ఈ రోజుల్లో పిల్లలకి ఇటువంటివి చూసి ,చదివి, ఆనందించేపాటి ఓపికా తీరికా ఉంటాయా అని. నా సందేపాన్ని పటాపంచలు చేస్తూ నాకు ఎంతో ఉత్సాహాన్ని కలిగించింది మీ టపా. ఒకరిద్దరు ఇష్టంగా చదివినా నా కృషి ఫలించినట్టే. మీకు నా ఆశీరభినందనలు ఎప్పుడూ ఉంటాయి. మీరు న్యూఢిల్లీలో ఉంటారా.ఏం చేస్తుంటారు. వివరాలని అభ్యంతరం లేని పక్షంలో ఈ మెయిలు చెయ్యగలరు.